Обвинетиот Велибор Манев за грабнувањето и убиствата на Вања и Панче дава исказ пред судот и според неговото сведочење тој ги однел полицајците од СВР Скопје и СВР Велес до местото каде што бил закопан Панче Жежовски кај местото Рудник, во Велешко.

Според неговиот исказ првичниот план бил да биде грабнат Жежовски, за да му биде земен автомобилот со кој требало да биде грабната не Вања, туку жена на возраст од 38 – 40 години.

-Целта беше да се чуваат таму грабнатите лица и да се пуштат откако ќе се изврши наплатата.

– Првично требаше Панче Жежовски да биде грабнат и да се држи во „земуница“ (скривница под земја) врзан со ланец за ногата за да се искористи неговото возило за грабнување на жена од 38 -40 и да се направи замена Панче да се пушти со колата да си замине, а жената да се чува додека не се изврши наплата – рече Манев.

Жежовски бил грабнат заради автомобилот, според Манев, а Жежовски на Манев му должел 1500 евра.