„Изминативе месеци посветивме сериозно внимание, на иста маса разговаравме со откупувачите и земјоделците за пласманот на зелката од оваа реколта и постигнавме одличен резултат“, рече денеска министерот за земјоделство, шумарство и водостопанство, Цветан Трипуновски, одговарајќи на новинарско прашање за пласманот на зелката.

„Одличниот резултат го постигнавме поради тоа што заеднички покажавме дека кога ќе се постигне договор и тој ќе се почитува, македонскиот земјоделец може да добие вистинска цена како што доликува“, рече министерот.

Трипуновски посочи дека досега, согласно податоците со коишто располага Министерството, девизниот прилив кај македонските градинари кои произведуваат пролетна зелка се движи околу 32 милиони евра.