Членовите на здравствената комисија на Словенија, одлучија да му предложат на Институтот за здравствено осигурување на Словенија (ЗЗЗС) да изнајде решение со кое цената на стоматолошките услуги ќе се базира на реални пресметки и да се земат предвид пропишаните професионални стандарди за работа и проверените материјали. Пратеничката Ива Димиќ на почетокот истакна дека стоматологијата е важен дел од јавното здравство, до кое секој треба да има пристап.

Таа потсети на неодамнешното писмо од словенечките стоматолози, кои укажуваат на неодржливата цена на белите пломби, утврдени од ЗЗЗС и која стапи на сила на 1 јануари годинава. Сметаат дека цените не се базираат на реалните трошоци, цените на материјалите и работните стандарди на стоматолозите во јавната мрежа. Во одлуката, исто така, беше наведено дека ЗЗЗС ќе обезбеди решенија за да се осигура дека стоматолошките услуги во рамките на јавниот здравствен систем остануваат достапни и квалитетни за сите осигуреници. За решенијата ЗЗЗС ќе треба да поднесе извештај до Народното собрание во рок од еден месец, пишува Н1 Словенија.