Словенечкиот малопродажен синџир Туш ги извести сите потрошувачи, вклучително и оние од Хрватска, за повлекување на производот „Суви урми без семки“, со рок на употреба до 14.11.2025 година. Урмите се обезбедени од Maрјан овошје д.o.o. од Дуго Село, пишува на фејсбук-страницата „Ало инспекторе“, објави Даница.хр. Тие се повлечени поради присуство на норовирус, генска група 1.

„Не јадете ја храната, туку фрлете ја или вратете ја на местото на купување, каде што ќе ви бидат вратени парите. Добавувачот на урми, компанијата Maрјан овошје, сè уште не се изјаснил за спорниот случај на повлекување на прехранбениот производ. Норовирусите се најчестите извори на труење со храна. Симптомите вклучуваат гадење, повраќање, грчеви во стомакот и дијареа.

Како по правило, закрепнувањето трае до два дена и главниот проблем може да биде дехидрација. Сепак, инфекцијата може да биде комплицирана. За ова се огласи словенечката Управа за храна, која во рамките на официјалната контрола зеде примерок од урми од продажното место, во кои е утврдено присуство на норовирус. Урмите се увезени од Иран и спакувани од хрватската компанија.