Големата битка на „Стемфорд Бриџ“ заврши со болен пораз за Ливерпул, кој во последните секунди прими гол и остана без бодови. Арне Слот не го криеше разочарувањето, но порача – тимот ќе се крене и ќе се врати посилен.

„Разочарани сме од резултатот, но и горди на начинот на кој тимот се бореше. Знаевме дека Челзи ќе биде тежок противник, особено на нивен терен, но момците покажаа карактер и посветеност до самиот крај. Имавме свои шанси, но не успеавме да ги искористиме во клучните моменти. Ова е дел од процесот – учиме, растеме и се подобруваме со секој натпревар. Им благодарам на навивачите за поддршката – нивната енергија ја чувствуваме каде и да играме. Ќе се вратиме посилни“, изјави холандскиот стратег.

Со поразот од Челзи, Ливерпул му ја препушти лидерската позиција на Арсенал.

Преземено од: Спорт.ком.мк