Утрешниот весник „Слободен печат“, меѓу другото, донесува:

Хроника

Премиерот Димитар Ковачевски одговори на пратеничко прашање: Мене ми припадна честа да го бранам македонскиот идентитет пред светот!

– Сите граѓани се борат за својот идентитет, а на еден му припаѓа честа да го брани пред другите. Мене ми припадна честа да застанам и да го кажам тоа што го мислиме – нагласи премиерот Димитар Ковачевски.

Спикерот и министерката за култура ги бранат Адеми и Азири: Насилството во Собранието не може да ја турне Владата

– СДСМ и ДУИ не оправдуваат насилство, но во исто време ги оправдуваат сопартијците и коалициските партнери. Претседателот на Собранието Талат Џафери најде оправдување за дивеењето на претседателот на Комисијата за европски прашања Арбер Адеми во провокацијата од пратениците на ВМРО-ДПМНЕ.

Дрвокрадство

Енергетската криза ја зголеми побарувачката: Од исечените дрвја се гледа крајот на шумата

– Активисти од еко-здружението „Натура лаб“ алармираат дека на планината Јабланица се случува масакр на шумите и никој не презема ништо. Локалните жители се жалат дека секојдневно се сечат дрвја, планината се соголува, стравуваат од евентуални свлечишта, но и од секнување на изворите со вода

Економија

Истекоа трите месеци за дополнителна помош: Пензионерите лути што им се скина илјадарката

– Со септемвриската пензија ќе има нов раст на пензиите, според новата методологија на усогласување на пензиите – 50 проценти со раст на трошоците за живот и 50 проценти со раст на просечната плата. Но, како да се премости овој период?

Скопје

Пресадувањето дрвја оди многу тешко, најчесто пречат подземните инсталации

– Дополнителни тешкотии кога станува збор за пресадувањето на дрвја во градска средина може да предизвика и големината на самата машина која е прегломазна за урбана средина.

Свет

Историски самит во Мадрид: Турција ја повлече блокадата, Шведска и Финска во НАТО

– Алијансата со обновен концепт, нови членки, збиени строеви и зацврстено единство

Спорт

Медитерански игри – Борачот Нуров блесна со златен сјај, најавува олимписки медал

 Утре и богата Трибина, со редовните колумнисти Мирослав Грчев, Марин Гавриловски, Александар Литовски, Бошко Јакшиќ….