Полицијата денеска до Основното јавно обвинителство поднесе кривична пријава против С.И. (30) од Скопје, за сторено кривично дело „учество во странска војска, полиција, паравоени параполициски формации”.

„Од страна на ОСОСК, во август 2015 година, С.И., заедно уште со 34 други лица се кривично пријавени за кривично дело „учество во странска војска, полиција паравоени или параполициски формации„ (член 322 а, став 1 и 3), за што е осуден на 10 годишна затворска казна и во моментов се наоѓа на издржување на затворската казна во КПД Идризово“ велат од ОЈО.

Со цел обезбедување на докази за сторени нови кривични дела од С.И., од страна на ОЈО до надлежните органи во Косово е побарана меѓународна правна помош, при што од страна на Специјалното обвинителство на Косово е доставен одговор со соодветни докази.

Од доказите е утврдено дека на 25.07.2015 на социјална мрежа е објавена фотографија со испишан текст на албански јазик, со кој С.И. повикувал, врбувал и потикнувал лица да се приклучат на Исламска држава и да војуваат за неа. Пронајдени се и други објави во врска со кривичното дело.

ОН: Исламска држава извршила воени злосторства во ирачки затвор