Најголемиот скелет на стегосаурус кој некогаш е пронајден, наречен Aпекс, е продаден за рекордни 44,6 милиони долари на аукција во Њујорк, соопшти „Сотби’с“. Се верува дека Апекс е стар 150 милиони години и, според аукциската куќа, е „меѓу најкомплетните скелети кои се некогаш пронајдени“, објави АФП, објави БГНЕС.

Висок е 3,3 метри и долг 27 стапки и има 254 фосилни коскени елементи од проценетите 319. Претходниот рекорд на аукција од 31,8 милиони долари за скелет на диносаурус беше поставен во 2020 година за тираносаурус Рекс со прекар „Стен“. „Сотби“ очекуваше дека Aпекс ќе достигне цена помеѓу 4 и 6 милиони долари, но цената брзо се зголеми бидејќи телефонските понудувачи ја преплавија просторијата, предизвикувајќи овации и аплаузи во аукциската соба.

Апекс беше откриен во мај 2022 година на приватното земјиште на палеонтологот Џејсон Купер. Аукциската куќа вели дека соработувала со Купер за „документирање на целиот процес – од откривање и ископување до реставрација, подготовка и инсталација“ за да обезбеди „највисоки стандарди и транспарентност“. Во 2022 година, аукциската куќа Кристи мораше да повлече скелет од Т-рекс неколку дена пред аукцијата во Хонгконг поради сомневање за неговата автентичност.