За време на тајно гласање во покраинскиот парламент на германската сојузна покраина Баден-Вуртемберг, бил откриен нацистички симбол – свастика, што предизвика шок и остри реакции меѓу пратениците. Инцидентот се случил за време на изборот на членови за Оберинрат – меѓурегионален совет на германски, француски и швајцарски политички претставници, јавува магазинот „Феникс“.

Претседателката на парламентот, Мухтерем Арас од Зелените, го нарече инцидентот „срам за парламентот“ и потсети дека користењето на такви симболи претставува кривично дело според германскиот Устав.

Засега не е познато кој го нацртал симболот, бидејќи гласањето било тајно.

Десничарската партија АфД, која имаше свои кандидати на ливчето, веднаш се дистанцираше од инцидентот. Нивниот пратеник Мигел Клаус ја обвини Арас дека „сугестивно имплицирала“ поврзаност на партијата со настанот.

Од друга страна, СПД реагираше со повик за политичка одговорност. „Кој и да стои зад ова, не заслужува да биде дел од овој парламент“, изјави пратеникот Саша Биндер, нарекувајќи го чинот „апсолутно одвратен“.

Истрагата продолжува, но поради природата на тајното гласање, идентитетот на сторителот засега останува непознат.