Манекенката Ејприл Бенајон вчера (сабота) беше прогласена за прва придружничка на изборот за Мис на Франција. Но набрзо потоа таа станала мета на погрдни објави на социјалните мрежи и тоа поради нејзиното потекло, пренесуваат странските медиуми.

Мајката на Ејприл има српско-хрватски корени, а татко ѝ е Израелец, пишуваат француските медиуми. Некои дури тврдат дека „автоматски ја изгубила круната на изборот на убавина откривајќи го своето потекло“, додека други ѝ даваат огромна поддршка.

„Целата моја поддршка за оваа млада жена! Антисемитизмот е злосторство. Ми се гади од тие валкани работи кои воопшто не ја претставуваат Франција“, е само еден од многубројните коментари за поддршка на Ејприл.

На Твитер кружат фотографии на кои таа е професионално нашминкана и други на кои е помалку средена, па поединци коментираат дека станала популарна благодарение на нејзините фотографии на Инстаграм и дека во живо не изгледа така.

Круната на изборот ја доби Французинката Амандин Петит, која на прогласувањето се расплакала од среќа.