Австралискиот премиер реагираше на скандалот наречен „Зелкагејт“ кој изби поради одлуката на ланецот за брза храна КФЦ зелената салата во своите сендвичи да ја замени со зелка и така да го амортизира ударот од галопирачката инфлација која ги зголеми цените на зелената салата на пазарот.

Премиерот Антони Аланез оцени дека „налудничавата“ одлуката на КФЦ половина од својата салата во хамбургерите со пилешко и во другите производи да ја замени со зелка предизика „национална криза“.

Во земјата во која инфлацијата изнесува 5,1 отсто, цената на салатата порасна за 300 проценти во некои австралиски градови поради неодамнешните поплави и глобалниот раст на цените на горивата. Само една главица од салатата ајсберг, која некогаш чинеше 2 австралиски долари (1,34 евра) сега изнесува речиси 8 долари (5,35 еврфа) од Сиднеј до Мелбурн.

Поради тоа КФЦ на почетокот на неделата објави дека отсега нивните купувачи ќе мора да се задоволат со мешавина од зелка и зелена салата во сендвичите. Таа одлука на КФЦ предизвика бес на социјалните мрежи.

„Зелката не е исто што и зелената салата. Едноставно, тоа не е коректно“, објасни и самиот премиер Албанез за радиото КИИС ФМ од Сиднеј. Ќе го ставам „Зелкагејт“ на денешната седница на владата, најави премиерот.