Меѓу помилуваните десетмина осуденици од страна на претседателката Гордана Сиљановска-Давкова се најде и името на Живко Делиџаков од гевгелиското село Богородица. Делиџаков доби скратување на затворската казна од три месеци, но не е познато за кое дело е осуден и уште колку му останува од казната.

Интересно за помилуваниот Делиџаков е што пред неколку години, заедно со Тодор Петров поднел иницијатива пред Уставниот суд за укинување на Законот за СЈО.

Сиљановска-Давкова вчера во своето прво помилување им го скрати затворскиот престој на: Акиф Равмановски, Никола Трпчески , Шенол Маслани , Мухарем Али, Тодор Попов, Томислав Симеонов, Перо Кузмановски, Живко Делиџаков, ексградоначалникот на Битола, Владимир Талески и Марјан Ефремов.

Сиљановска Давкова по помилувањето рече дека сега гледа оти „личностите се навистина интересни во негативна смисла на зборот“, но Kомисијата за помилување се водела од конкретни дела и дека, иако таа потпишува одлуки и го има последниот збор, нема да се меша директно во нејзината работа.

Одлуките за помилување на осуденици, претседателот на државата ја носи по препорака на Комисијата за помилување, која е постојано работно тело во служба на претседателот.

Калајџиев: Во Македонија има малку помилувања