Кинескиот претседател Си Џинпинг во Пекинг се сретна со претседателот на руската Државна дума, Вјачеслав Володин.

Руската делегацијата предводена од Володин ќе престојува во Кина до 23 ноември.

Претседателот на Државната дума истакна дека благодарение на односот помеѓу рускиот претседател Владимир Путин и Си, Русија и Кина „денес не се само стратешки партнери, туку и стратешки пријатели“.

Володин посочи дека односите меѓу Русија и Кина „се на врвот на развојот“.

– Кина заедно со Русија е подготвена да вложи заеднички напори за продлабочување на билатералните односи, а соработката меѓу Државната дума и Националниот народен конгрес треба да се зајакне, наведе Си.

Тој додаде дека Пекинг очекува „понатамошно зајакнување на соработката меѓу Државната дума и Националниот народен конгрес со цел да се создаде солидна правна основа за развој на билатералните односи за доброто на народите на двете земји“.