Кина е подготвена да соработува со земјите од Латинска Америка и Карибите за спроведување на Иницијативата за глобален развој и промовирање на соработката во клучните области, изјави кинескиот претседател Си Џинпинг на отворањето на четвртиот министерски состанок на Форумот Кина-CELAC (Заедница на латиноамерикански и карипски држави).

Си повика на зајакнување на координацијата на стратегиите за развој и подобрување на соработката во рамките на иницијативата „Појас и пат“, објави Синхуа.

Тој ја нагласи важноста од продлабочување на соработката во областите на инфраструктурата, земјоделството, енергетиката и рударството, како и проширување на заедничките проекти во новите технологии како што се чистата енергија, 5G мрежите, дигиталната економија и вештачката интелигенција.