ШТО СЕ МОЖЕШ КОГА ТАТКО ТИ Е ПРЕТСЕДАТЕЛ: Синот на Трамп добил дозвола да лови гризли во Алјаска
На Доналд Трамп Џуниор, синот на американскиот претседател Доналд Трамп, му е дозволено да лови гризли мечки во северозападна Алјаска, соопштиле локалните функционери.
Препорачано
Тој е еден од тројцата кои барале дозвола за лов на овие силни и опасни животни.
„Добиваме илјадници пријави за лов на гризли, но се даваат само 27 дозволи. Кој ќе добие дозвола е чиста случајност. Меѓутоа, сега за 27 дозволи се пријавија само тројца“, рекол Еди Грејсер, директор на Одделението за риба и дивеч во Алјаска.
Трамп Џуниор мора да плати 1.160 долари за дозволи и данок, па ќе има право да убие гризли. Тој често оди на лов, па објавува фотографии од своите експедиции на интернет.
Минатото лето, синот на претседателот беше во посета на Монголија. Со претходна дозвола, таму уби заштитен и загрозен вид на аргали овца. Дозволата му беше овозможена откако неговиот татко Доналд Трамп при посета на државата ја добил од тамошниот претседател Халтмагин Батулга, пишува Гардијан.
За време на посетата и ловот, Трамп Џуниор бил во придружба на обезбедување и од двете држави, САД и Монголија. Аргали овцата е вид на дива овца со големи рогови и се смета за национално богатство во оваа азиска држава. Светските медиуми пишуваа дека за да се дојде до дозвола за убивање на ова животно, треба да се прејде низ „мрачниот“ систем за издавање дозволи за кој експертите велат дека е базиран на пари, врски и политика.
Уште тогаш, Доналд Трам Џуниор веднаш стана мета на напади од активисти за заштита на природата кои го обвинија за ваквиот чин. Неговиот татко, американскиот претседател Доналд Трамп јавно се прикажува како противник на ловењето, истакнувајќи дека чинот е „хорор“, иако и двата негови сина се добитници и на трофеи за истото.
