Работата на тироидата има големо влијание на метаболизмот, начинот на кој телото ги користи јаглехидратите, мастите, помага во регулирањето на телесната температура, влијае на работата на срцето, го регулира производството на протеините итн.

Кога тироидната жлезда функционира нормално, ја имаме целата слобода во исхраната. Меѓутоа, кога страдаме од некои неправилности во работата на штитната жлезда, како што се хипертиреоза (забрзано работење на тироидната жлезда, зголемено производство на хормоните) или хипотиреоза (забавено работење на тироидната жлезда, намалено производство на хормоните), неопходно е да се почитуваат прописите на исхраната, бидејќи исхраната игра важна улога во подобрувањето на квалитетот на здравјето и животот.

Хипертиреоза – регулирање преку исхрана

Кај луѓето кои боледуваат од хипертироидизам, тироидната жлезда работи забрзано, т.е. произведува поголема количина хормони од нормалното. Како последица на прекумерната количина на тироидни хормони, во организмот се јавува состојба на катаболизам, со други зборови, доаѓа до губење на тежината и мускулната маса. Во овој случај, исхраната мора да биде калорична и избалансирана.

Млеко, јогурт и сирење – Пијте јогурт и млеко секој ден. Овие три намирници можете да ги консумирате и преку колачи, деликатеси, овошни шејкови, во комбинација со корнфлекс или мусли итн. Секој ден во блендер изматете овошен шејк со чаша млеко или јогурт со омиленото овошје. Вклучете сирење во подготовката на салати, јадења од тестенини, печива, итн.
Протеинска храна: јајца, месо и риба – варените јајца можете ситно да ги сечете и да ги додавате во салатите, тестенините и други јадења. Јадете риба и месо, но во нормални граници. Комбинирајте јадења од месо и риба со многу зеленчук. Изматете по едно јајце и додајте го во пире, сосови, намази, преливи, итн.

Масла и масти – консумирајте павлака, путер, маслиново масло…

Сушено овошје – не заборавајте да внесувате сушено овошје во вашата исхрана. Консумирајте го секој ден, а можете да го користите и за подготовка на разни десерти.

Шеќер, мед и леб – консумирајте шеќер во умерени количини, подобро мед. Можете да додадете мед кога подготвувате овошни шејкови со јогурт или млеко. Јадете леб од цели зрна, за појадок и ужина, бидејќи е поздрав.

Хипотиреоза – регулирање преку исхрана

Хипотиреозата е уште една неправилност во работата на штитната жлезда. Во овој случај, тироидната жлезда работи бавно, т.е. произведува помала количина хормони отколку што е потребно за нормално функционирање на организмот. Придружена е со симптоми како што се замор, исцрпеност, сонливост, зголемување на телесната тежина и дебелина. Контактирајте ендокринолог ако се сомневате дека страдате од хипотиреоза, тој ќе ви препише одредена терапија и ќе го следи вашето лекување, а исто така ќе ви одреди и како да се храните. Мора да држите диета која вклучува млечни производи, суров и варен зеленчук, овошје, храна богата со протеини, житарки.

Намирници богата со влакна, без многу маснотии – консумирајте посно месо: пилешко, мисиркино, говедско месо. Јадете бела риба (на пр. ослиќ) и сина риба (на пр. скуша, сардини, туна). Сината риба е полумасна и богата со омега-3 масни киселини, кои ја регулираат количината на хормонот лептин. Овој хормон е одговорен за регулирање на метаболизмот и телесната тежина. Овие намирници консумирајте ги во мали порции, 3-4 порции неделно. Можете да консумирате и јајца. Од млечни производи, користете обезмастено млеко, јогурт и сирења со малку маснотии. Користете мед наместо шеќер.

Зголемете го внесот на овошје и зеленчук, особено оние што можете да ги јадете сурови.
Во умерени порции, јадете житарки, компири, ориз, грав, леќа, тестенини, итн.
Консумирајте многу вода, чаеви и сокови, лимони и билни зачини.
Во мали количини користете маслиново масло.

Луѓето кои страдаат од хипотиреоза треба да избегнуваат пржена и похувана храна со многу масло. Пожелно е да се вари храната, да се пече во рерна без маснотии или да се подготви на пареа.
Оваа болест бара зголемена физичка активност, што повеќе пешачење, трчање, качување по скали, возење велосипед итн.

Препорачливо е да имате 4-5 помали оброци во текот на денот, меѓу кои треба да избегнувате грицки. Но, мора да имате главен оброк!