Шпанска блогерка и нејзиниот сопруг кои биле на патување со мотор низ Индија, на социјалните мрежи објавиле дека група мажи ги нападнале, ги ограбиле и ја силувале жената.

Тие на 1 март објавија видео на кое се појавија со повреди на лицето. Тие за шпанските медиуми изјавија дека биле нападнати во областа Думка во индиската држава Џарканд, популарна туристичка дестинација.

Таму застанале на пат кон Непал да се одморат и поставиле шатор во близина на пазарот Хансдиха. Откако заспале, како што тврдат, седум млади момчиња упаднале во шаторот и ги нападнале.

„Седум мажи ме силуваа. Нè тепаа и ограбија иако не украдоа многу работи бидејќи нивната намера беше да ме силуваат”, раскажува жената.

a travelvlog couple trying to visit every country in the world decided to go to India as their latest destination.

11 hours ago they announced they were at the hospital because he had been beaten up and she had been gang raped by 7 men. pic.twitter.com/WNSd21TUi5

— pagliacci the hated ? (@Slatzism) March 2, 2024

„Нè совладаа. Ми ставија нож на вратот и ми рекоа дека ќе ме убијат“, вели нејзиниот сопруг.

Полицијата во Думка им соопштила на новинарите дека шпанската двојка била пренесена на лекување во локалната болница. „Двојката зборуваше мешан шпански и англиски јазик, па патролниот тим на почетокот не ги разбра. Но, тие изгледаа видно повредени, па беа однесени на лекување“, изјавија од полицијата, додавајќи дека потоа им го спомнале наводното силување на лекарите.

Полицијата подоцна додала дека уапсила четворица мажи, а се уште трага по уште тројца. Нивниот идентитет се уште не е познат, но се знае дека се трага бидејќи ја претепале жената. Силувањето не се споменува.

Би-Би-Си ја контактираше и бразилската амбасада во Индија, која соопшти дека жената, која е именувана како Фернанда, имала двојно бразилско-шпанско државјанство и сопругот, именуван како Винсенте биле жртви на сериозен напад. Од амбасадата изјавија за Би-Би-Си дека ја контактирале жената преку локалните службеници, како и преку шпанската амбасада, бидејќи парот користел шпански пасоши за да влезе во Индија.

Винсенте и Фернанда се познати на социјалните мрежи по нивниот канал Вуелта Ал Мундо Ен Мото (шпански: Околу светот на мотор) и патувале низ повеќе од 60 земји откако го започнале своето патување околу светот од Барселона пред пет години.

Со своите мотоцикли поминале 170.000 километри. Тие се амбасадори на мотоциклите КЛМ, а имаат над 122.000 следбеници на Инстаграм, каде што ги документираат своите патувања.

Ова ја потсети јавноста за случајот со групно силување во Индија во 2012 година и убиството на една млада жена во автобус во Делхи, што доведе до масовни протести и измени на законите за силување во земјата. Но, секоја година се пријавуваат десетици илјади силувања, а активистите велат дека патот до решавање на проблемот е сè уште долг.

Во текот на викендот, неколку жени ги споделија своите приказни за справување со несаканото сексуално внимание додека патувале во Индија. Шефот на индиската Национална комисија за жени, Река Шарма, исто така привлече критики откако таа одговори на објавата на американски новинар кој напиша дека Индија е едно од неговите омилени места, но на „нивото на сексуална агресија“ што го видел додека живеел таму е поинаков од кое било друго место каде што бил“.