Шпанија ги откажа плановите за купување борбени авиони Ф-35, произведени од американската компанија Локид Мартин, објави денеска „Ел Паис“, повикувајќи се на неименувани владини извори.

Владата во буџетот за 2023 година издвои 6,25 милијарди евра за купување нови борбени авиони. Сепак, планира да потроши поголем дел од дополнителните 10,5 милијарди евра за одбранбени трошоци во Европа. Како резултат на тоа, набавката на американските борбени авиони стана невозможна.

Шпанскиот социјалистички премиер Педро Санчез претходно оваа година објави планови за зголемување на трошоците за одбрана за да се исполни целта на НАТО од 2 проценти од БДП. Но, на самитот на шефовите на држави во јуни, тој одби да ги зголеми трошоците на 5 проценти.

Ставот на Санчез предизвика остри критики од американскиот претседател Доналд Трамп, кој се закани дека ќе воведе дополнителни царини за шпанските производи.

Претставниците на шпанското Министерство за одбрана и „Локид Мартин“ не одговорија веднаш на барањата за коментар.