Шпанија ќе испрати 206 милиони евра (239 милиони американски долари) на островот Ла Палма за да им помогне на жителите да закрепнат од несреќата предизвикана од ерупцијата на вулканот, соопшти шпанскиот премиер Педро Санчез.

Според најновите податоци, лавата уништила 946 згради на островот и оштетила стотици други. Од 85.000 жители на малиот остров, околу 6.000 се евакуирани од своите домови.

– Овде сме да преземеме огромна задача за обнова на Ла Палма, рече Санчез за време на третата на посета на островот од кога еруптираше вулканот пред две недели. Тој појасни дека милионската помош ќе биде доделена за обнова на инфраструктурата, водоснабдувањето, вработување, земјоделство и туризам. Се очекува пакетот да биде одобрен утре, а парите испратени што е можно побрзо.