Шпанија во изминатите неколку месеци евакуираше 44 ранети или болни деца од воено разорената Газа, заедно со околу 100 членови на нивните семејства или роднини, соопшти денес шпанската влада.

Четирите евакуации биле извршени во координација со меѓународни организации и неколку држави, а операциите ги водело шпанското Министерство за миграција, пренесе „Тајмс оф Израел“.

Евакуираните деца и нивните семејства се распоредени во различни делови на Шпанија, каде им е обезбедена потребната медицинска помош и поддршка.