По бурните реакции на јавноста, откако минатата недела беа исечени јапонските цреши, Градот Скопје денеска на истото место засади18 нови јапонски цреши. Градоначалникот на Град Скопје, Петре Шилегов кој денеска присуствуваше на садењето на црешите рече дека уште во 2017 година кај дрвата се констатирало заболување и од таа причина е донесена одлука за нивно отстранување.

– Ние не сме како нашите претходници, ние не сечеме дрва, за да градиме згради. Ако сечеме дрва тоа е зашто се стари, а на нивно место садиме нови. Седумдесет проценти од зеленилото во Малиот ринг е уништено поради проектот Скопје 2014. Ние се трудиме на секој чекор да направиме дрворед, кај Пошта направивме прекрасен дрворед. Денеска на улицата Максим Горки ќе бидат засадени нови 18 јапонски цреши, рече Шилегов.

Тој ги повика општествено одговорнитете компании да дадат придонес во обнова на зеленилото и се заблагодари на ЕБОР за донацијата на 50 јапонски цреши, кои во текот на есенската акција ќе бидат засадени на еден од булеварите во Скопје.

Јапонските цреши имаат 30 годишен животен век.