Славната Микаела Шифрин го овои седмиот златен медал на светските првенства откако триумфираше во новата тимска категорија на шампионатот во Залбах, Австрија.

Шифрин настапи во тандем со Бризи Џонсон во категоријата во која една натпреварувачка се натпреварува во слалом, а другата во спуст.

На слаломот Шифрин имаше трето најдобро време, додека нејзината колешка беше четврта во спуст. Сепак, двете времиња заедно беа подобри од времињата на останатите натпреварувачки и стигнаа до златото.

Легендарната Шифрин во својата кариера вкупно има 14 медали од светските првенства.