Шефот на Меѓународната агенција за атомска енергија (МААЕ), Рафаел Гроси, беше ставен под 24-часовно обезбедување од страна на елитната австриска специјална единица Кобра, откако разузнавачките информации укажаа на специфична закана од Иран, објави „Волстрит џурнал“, повикувајќи се на извори од оваа организација.

Дополнителни безбедносни мерки беа воведени кон крајот на јуни откако австриското разузнавање доби информации за потенцијална закана против Гроси од неидентификувана трета страна, по зголемените тензии меѓу Израел и Иран.

Портпаролот на МААЕ, Фредерик Дал, го потврди распоредувањето на единицата Кобра, но одби да коментира за потеклото на заканата.

„Можеме да потврдиме дека Австрија ја обезбедила единицата Кобра, но не можеме да потврдиме од каде доаѓа конкретната закана“, рече тој.