Министерот без ресор и поранешен директор на Дирекцијата за заштита и спасување Шабан Салиу, кој е еден од осомничените за пожарот во Кочани, е пуштен од затворски притвор.

Штипска апелација му го укинала притворот по негова жалба и му одредила мерки за претпазливост.
Одлуката се уште не е стигната до Обвинителството.

Претходно по два месеца, од затворски во куќен беше пуштен поранешниот министер за економија Крешник Бектеши и поранешната државна секретарка Размена Чекиќ – Дуровиќ.

Во истрагата за пожарот досега се осомничени шеесетина лица, а на средината на месец јуни се очекува да биде покренато обвинение.