Седницата на Советот на Битола, која по прекинот од страна на претседателката Габриела Илиевска, продолжи да работи под претседателство на советничката на ВМРО ДПМНЕ, Марица Тодоровска, која како највозрасна советничка во Советот беше избрана да претседава само за оваа седница, по усвојувањето на 65 точки од дневниот ред, на кој имаше вкупно 88 точки за разгледување по неколку паузи и прекини, повторно е прекината.

До прекин на седницата дојде поради немање кворум, откако советничката на ДУИ, Мерита Исмајловска ја напушти седницата. Седницата ќе продолжи в понеделник.

Претходно,советниците од СДСМ ја напуштија седницата, а тоа го стори и претседателката на Советот Илиевска, како и двајцата други советници од Поинаку.