Екипите на јавното претпријатие „Паркови и зеленило“ спроведуваат активности во рамките на третата етапа од проектот за реконструкција и уредување на зеленилото од десната страна на кејот на Вардар во општина Карпош.

Со реконструкцијата ќе се опфати нанесување и распоредување на нова земја, нивелирање на површината како и копање канали за поставување на хидрантска мрежа. Реализацијата на зацртаните работни задачи се одвива според предвиденото, со цел да се конципира и обезбеди комплетно ново зеленило на овој дел од јавната површина – информираат од претпријатието.