ЈП „Паркови и зеленило“ ги информира граѓаните дека екипите од Секторот Вонградско зеленило, по налог на Град Скопје, поставуваат нова ограда на Средно Водно. Оттаму велат дека тоа се прави „поради дотраеност на постоечката ограда и иструленост на столбовите, што претставуваше потенцијална опасност за посетителите“.

„Градот и претпријатието со брза реакција веднаш интервенираа откако дел од оградата беше уништена и урната со цел безбедно движење на посетителите во Парк-шумата. Апелираме до граѓаните да се однесуваат одговорно кон парковската опрема и дрвените реквизити на Водно и да ја чуваат природата за која треба сите заедно да се грижиме“, велат од јавното претпријатие.