Екипи на Општина Центар го реконструираат паркинг просторот на улицата „Петар Поп Арсов“, лоциран зад „Вучко“. Во тек е асфалтирање и уредување на паркингот со површина од 550 квадратни метри.

Како што информираат од локалната самоуправа, по завршувањето на градежните работи, следува обележување на паркинг – местата, по што просторот ќе биде целосно функционален и подготвен за користење.

Со уредувањето и обележувањето на овој паркинг-простор им излегуваме во пресрет на потребите на центарци, овозможувајќи организирано и поефикасно паркирање. Целта ни е да создадеме безбеден и уреден простор, со современи стандарди и подобра пристапност, посочи градоначалникот Горан Герасимовски.

Со овој зафат, како што додаде, Општина Центар продолжува со инвестиции во подобрување на урбаната и комунална инфраструктура.

Реновирањето на паркингот се изведува на барање на жителите во рамки на караванот „Се гледаме во маало”, кои се соочуваат со хаотичната состојба при паркирањето и недостиг на паркинг-места.