За реформите во високото образование, за активностите на новото владино тело кое ќе го реформира високообразовниот систем обременет со скандали за купување дипломи, за потребата од хируршки резови за да се врати угледот на државните универзитети на повисоко место на ранг-листите на светските универзитети и за ставање ред во приватното високо образование, за квалитет, наместо квантитет, во утринската емисија „Слободен печат“ разговараме со проф. д-р Солза Грчева, национален координатор за реформи на високото образование.

Додека Скопје е меѓу првите десет најзагадени градови во светот во Лондон мерните станици светат зелено. Дали лондонци некогаш се соочувале со загаден воздух? Може ли кај нас да се применат некои нивни методи за да имаме здрава животна средина? На оваа тема разговараме со нашата дописничка од Лондон, новинарката Жанета Скерлев.

Кугланата Мусандра во ГТЦ, повторно реновирана. Во „Слободен печат“ разговор со неколку активни куглари во Мусандра за пасијата и кугларскиот спорт.

Гледајте слободен печат секој работен ден во 9 часот наутро.