Јапонија ќе купи 100 авиони од американскиот производител „Боинг“ и ќе ги зголеми испораките на ориз од САД за 75 проценти како дел од трговскиот договор меѓу Токио и Вашингтон, изјави денес функционер на Белата куќа, цитиран од Ројтерс.

Договорот, исто така, вклучува купување на американски земјоделски и други производи во вредност од 8 милијарди долари од Јапонија. Јапонските нарачки за американските одбранбени компании ќе се зголемат од 14 милијарди долари годишно на 17 милијарди долари, додаде функционерот на американската администрација. Според постигнатиот трговски договор, јапонската стока, вклучително и автомобилите увезени во САД, ќе подлежат на царина од 15 проценти, пренесува БТА.