Во текот на изминатите неколку дена Општина Ѓорче Петров работеше на прочистување и продлабочување на одводниот канал во Стопански Двор, каде се поставени дополнителни цевки на местата каде што се појавувале проблеми со протокот на вода.

Вкупната должина на каналот е 2000 метри. Овој канал кој се протега од црквата Мала Богородица до ООУ “Тихомир Милошевски”, служи за одвод на жителите кои што живеат во ова подрачјте и имаат потреба од редовно чистење и сервисирање на каналот, за да биде во функција и непречено да се употребува – вели градоначалникот Александар Стојкоски.

Според него, екипите кои се задолжени за одржување на каналот, редовно вршат обиколка и го контролираат нивото на вода во каналот, односно навремено реагираат доколку има потреба од чистење или дополнително продлабочување.