Основното јавно обвинителство Кавадарци достави предлог за продолжување на мерката притвор на кавадарчанката која со чекан ја нападнала мајка си додека спиела.

„Обвинетата на 10 септември годинава, во семејниот дом во Кавадарци, при вршење семејно насилство, се обидела да ја лиши од живот сопствената мајка со која живееле во иста куќа. Додека жртвата спиела, обвинетата со чекан ја удрила повеќе пати во главата со што и нанела тешки телесни повреди. Потоа чеканот го фрлила во дворот на куќата и не го довршила делото. Согласно извршените вештачења е утврдено дека обидот за убиство го сторила во услови на битно намалена пресметливост предизвикана од психички растројства, повеќестепена употреба на лекови и психоактивни супстанции“, информираат од Обвинителство.

Кавадарчанка со тврд предмет ја нападнала својата 60-годишна мајка