Во населеното место Марино во општина Илинден во тек е реконструкција на улиците 9 и 532 ,каде моментално се врши завршно асфалтирање на коловозот со втор асфалтен слој, а се  работи и на уредување со бекатон плочки на пешачката патека покрај улицата од едната страна и асфалтирање на тротоар од другата страна на улицата. Градежните активности, како што информираат од Илинден,  ќе завршат со поставување целосна хоризонтална и вертикална сигнализација на улицата, како и поставување  успорувачи, односно „лежечки полицајци“ пред детската градинка.

Увид на градежните работи на терен изврши градоначалникот Александар Георгиевски кој истакна дека ова е уште еден приоритетен проект кој се реализира.

Реконструкцијата на улицата е во должина од околу 820 метри и широчина 6 метри, како и целосна реконстукција на тротоарите од двете страни на улицата. Средствата за реализација на овој проект се целосно обезбедени од Буџетот на Општина Илинден.