„Владата предводена од ВМРО-ДПМНЕ продолжува со познатата практика на сликање покрај проекти од претходната Влада на СДСМ. Последен пример е Кавадарци, каде премиерот Мицкоски, членови на владата и градоначалникот Јанчев се фалеа со проекти како што се колекторскиот и канализацискиот систем во населеното место Моклиште, проекти кои беа планирани, финансирани, започнати и во напредна фаза на реализација токму во време на Владата предводена од СДСМ“, се жалат од опозициската партија.

„Добро е што овие проекти се завршени, но граѓаните знаат: овие проекти се резултат на одговорна и визионерска политика на СДСМ која секогаш работеше во интерес на сите граѓани. За жал, по 10 месеци, владата на ВМРО-ДПМНЕ нема ниту еден сопствен капитален проект“, велат од СДСМ.