Социјалдемократите и денеска бараат одговор од премиерот Христијан Мицкоски на прашањето „зошто ВМРО-ДПМНЕ ја даде концесијата за Казандол во 2015 година?“. Од СДСМ посочуваат дека Мицкоски „се обидува да ја изврти вистината“ и да зборува за арбитражите кои СДСМ ги доби. Тие се сомневаат дека зад таквиот чекор стојат бизнис интереси.

„Дали заради тоа што бизнис интерсите им беа поважни од граѓаните? Зошто ВМРО-ДПМНЕ застана против граѓаните од југоисточниот регион кои беа против оворањето на рудниците?“, велат од СДСМ.

„Инаку, се знае дека Владата на СДСМ во март 2018 година го раскина договорот за „Казандол“ и застана на страната на граѓаните. Токму Владата на СДСМ ја истера до крај арбитражната постапка за Казандол, која е завршена успешно во интерес на државата а сега само стигнува одлуката. Благодарение на граѓанскиот отпор и одлуките на Владата на СДСМ, денес рудникот „Казандол“ не постои, а државата ја доби и арбитражата. Тоа е целата вистина“, велат од опозициската партија.