Сениорската женска репрезентација на Македонија во рамки на женска ЕХФ недела која започнува од 03.04 ќе оддигра натпревари против репрезентацијата на Украина во баражот за Мундијалот 2023.

Мундијалот ќе се оддржи во Данска, Норвешка и Шведска во период од 29. ноември до 17. декември 2023 година.

На турнирот покрај домаќините, учество на првенството обезбедија од Европа репрезентациите на Франција, Црна Гора и Холандија, од Африка репрезентациите на Ангола, Камерун, Конго и Сенегал, од Јужна Амерка репрезентациите на Аргентина, Бразил, Чиле и Парагвај, и од Азија репрезентациите на Кина, Иран, Јапонија, Казахстан и Јужна Кореја.

Селекторот Љубомир Савевски денес објави поширок список од 35 ракометарки на кој нема поголеми изненадувања. Ќе потсетиме, стандардната Симона Маџовска е отсутна поради повреда.

Сениорките натпреварите ќе ги играат на 08. април во Скопје, во СЦ “Борис Трајковски”, а три дена подоцна ќе го оддиграат реванш натпреварот.