Во утрешното финале против Шпанија, Англија ќе се обиде да дојде до првиот трофеј на Европско првенство.

Англискиот селектор Герет Саутгејт пред натпреварот изрази оптимизам и верува дека неговата селекција ќе се радува на крајот.

„Шпанија игра одличен турнир. Изгледаат како шампиони поради нивните резултати. Но, ние мораме да победиме, го сакаме трофејот со децении. Верувам дека нијанси ќе го одлучат мечот во недела, но и време е трофејот да стигне дома“, изјави Саутгејт.

Се до полуфиналето против Холандија, Англичаните беа критикувани за играта која ја прикажуваат, но во пресметката со „лалињата“ го подигнаа нивото на игра и го искористија квалитетот кој го поседуваат.

Натпреварот се игра во терминот од 21:00 часот.