Новиот асфалт на улицата „Васил Ѓорѓов“ повторно е ископан.

Улицата започна да се реконструира на први октомври, поради што отежнат беше сообраќајот на овој дел од градот, а Град Скопје се уште не направил официјално пуштање во употреба на истата.

Останува нејасно зошто Градот дозволува континуирано да се поставуваат подземни инсталации веднаш по поставувањето асфалт. Неодамнешното асфалтирање на оваа фрекфентна улица, Градот го чинеше околу 20 милиони денари.

Пред една година Шилегов најави дека Градот ќе воведе забрана за прекопи, две години по асфалтирање.

На улиците кои ќе се реновираат, две години нема да може да се вршат прекопи, најави градоначалникот. Компаниите кои поставуваат подземни инсталации, ќе треба тоа да го сторат пред да почне реконструкцијата. Откако на улицата ќе биде поставен нов асфалт, таа нема да смее да се прекопува, освен во итни случаи, ако пукне цевка или друг поголем дефект, рече Шилегов лани.