Многу пријатели мои Бугари не се согласуваат со политиките на Каракачанов. Основа на постоење е јазикот, културата, обичаите. Ние како народ сме докажале дека немаме многу допирни точки и дека сме посебен народ, народ кој има свои малцинства кај соседите кои се декларираат како Македонци, рече Ѓорѓија Сајкоски, новиот генерален секретар на ВМРО-ДПМНЕ на гостувањето на телевизија Алфа во емисијата „Заспиј ако можеш“.

Тој укажа дека од 1946 до 1951 Македонците во Бугарија имаат можност за афирмација на својот идентитет.

– Од денешен аспект политичарите секако зборуваат за историјата. Тоа што го правиме сега е погрешно. Фактите ги утврдила, не само нашата, туку и светската историја, и фактите се наоѓаат во архивите не само наши, туку и во други земји – рече Сајкоски.

Според Сајкоски, Комисијата која работи на оваа проблематика, може да разговараат за се, но јасно кажав светската историја јасно ги ставила границите кој каде е, и што е.

– Нас нема за што да не убедуваат, ние си знаеме кои сме и што сме и што велат документите – рече Сајкоски и додаде дека ВМРО-ДПМНЕ останува на своите ставови дека Гоце Делечев е Македонец и оти секој штетен договор се поништува и менува.