Соединетите Американски Држави разговараат со Русија за можноста за идна соработка со Гаспром за меѓународни проекти, пишува Bloomberg, повикувајќи се на европски и руски претставници- пренесува Политика.

Според нивните информации, преговорите меѓу американската и руската страна за ова прашање се во рана фаза. Агенцијата посочува дека се уште не е јасно кој точно ги води преговорите и дали во нив директно учествуваат претставници на администрацијата на американскиот претседател Доналд Трамп.

Заедничките американско-руски проекти може да ги засегаат азиските и европските региони, истакнува Блумберг.

Претходно рускиот претседател Владимир Путин, по разговорите со неговиот белоруски колега Александар Лукашенко во Кремљ, изјави дека Европа повторно ќе може да добие евтин руски гас доколку Русија и САД се договорат за соработка во енергетскиот сектор, пренесува Спутник.