Сирискиот претседател Ахмед ал-Шара денес во Дамаск оствари средба со специјалниот претставник на САД за Сирија, Томас Барак, на која се разговарало за актуелните случувања во земјата и регионот, соопшти кабинетот на сирискиот претседател.

Средбата уследи по посетата на Барак во Израел, каде во неделата разговараше со премиерот Бенјамин Нетанјаху за состојбата во Сирија и Либан, пренесе „Ројтерс“.

Во моментов, сириски и израелски претставници водат разговори со посредство на САД за деескалација на конфликтот во јужна Сирија, каде што дојде до судири меѓу вооружени групи од етничката група Друзи и сунитските бедуини.