Aвстралиецот Алексеј Попирин приреди голема сензација на САД опен откако го елиминираше Новак Ѓоковиќ, но беше запрен веќе во следната рунда од Франсе Тиафо со 3:1 во сетови.

Попирин не успеа да игра на нивото како против Ѓоковиќ, па така дозволи Тиафо да поведе со 2:0 во сетови (6:4, 7:6). Успеа да биде нешто подобар во третиот сет кој го освои со 6:2, но не успеа во целост да се врати бидејќи Тиафо го доби четвртиот сет со 6:3.

Во четвртфиналето Тиафо ќе се соочи со Григор Димитров, кој во голема борба во пет сета го совлада Андреј Рубљов (3:2).

Победа изминатата ноќ оствари и Зверев со 3:1 против Накашима. Противник на германскиот ас во четвртфиналето ќе биде Каспер Руд, кој славеше  3:1 против Фриц.