Специјалниот претставник на САД за ангажман во Сирија, Џејмс Џефри, истакна дека земјата е подготена да обезбеди муниција за турските сили во Идлиб.

– Турција е НАТО сојузник и поголемиот дел од нејзината војска користи американска опрема. Ќе набљудуваме опремата за Турција да биде подготвена за употреба, ќе се погрижиме да имаат сѐ што им е потребно – наведе Џефри.

Американскиот амбасадор во Турција, Дејвид Сатерфилд, на посебен состанок, истакна дека САД разгледуваат барања на Турција за новиот ПВО систем, пренесува „Ројтерс“.