Генералниот секретар на НАТО, Марк Руте, денес изјави дека очекува на состанок во Париз да се разјасни што може да обезбеди таканаречената „Коалиција на волните“ во однос на безбедносните гаранции за Украина, пренесува Танјуг.

Тој го изјави ова за време на заедничката прес-конференција со естонскиот претседател Алар Карис, пренесува Ројтерс.

Руте утре во Париз ќе разговара за можните безбедносни гаранции со украинскиот претседател Володимир Зеленски, претседателката на Европската комисија Урсула фон дер Лајен, германскиот канцелар Фридрих Мерц и британскиот премиер Кир Стармер.

„Коалицијата на волните“, составена од Франција и Велика Британија со учество на околу 25 други земји, со месеци води разговори за да се обиде да дефинира планови за тоа кои земји би можеле воено да ѝ помогнат на Украина да ја одврати Русија од повторен напад откако ќе се постигне конечно примирје.