Руските спортисти продолжуваат со тивкиот бојкот пред Олимписките игри во Париз. Имено, 16 од 18 руски борачи обезбедија олимписки норми во борење во слободен стил, но ниту еден борач нема да настапи во Париз.

Интернационаниот Олимписки комитет има строги критериуми во однос на учеството на руските спортисти, па така шест члена од рускиот тим не ги поминале критериумите. Поради тоа и останатите нивни колеги ќе го бојкотираат турнирот.

„Не ги прифаќаме неспортските принципи на селекција на ИОК, списокот беше донесен со цел да му наштети на нашиот тим“, стои во соопштението од Боречката федерација на Русија.

Ќе потсетиме, руските спортисти кои ќе прифатат да се натпреваруваат во Париз, ќе мора да настапат како неутрални спортисти без обележјата на државата поради агресијата во Украина.