Руската армија денеска соопшти дека за првпат по повеќе од три години војна започнала офанзива во украинската Днепропетровска област, која граничи со Доњецк и дека единиците на 90-тата оклопна дивизија стигнале до западната граница на Донецката Народна Република и ја продолжуваат офанзивата во Днепропетровска област.

Според руските власти, нивните сили зазеле и уште еден мал град во областа Доњецк – Зарија.

Освен воените импликации, руското напредување може да добие и стратешко значење на теренот, особено во контекст на тековните дипломатски напори, во кои САД настојуваат да иницираат политичко решение за конфликтот.

Пред руската инвазија во февруари 2022 година, во Днепропетровска живееле околу три милиони луѓе, од кои еден милион во главниот град Днипро – редовна цел на руски ракетни и дрон-напади. Многу бегалци од Донецк и Луганск се населија токму таму по првичните борби.