Припадници на руската армија го зазедоа главното упориште на украинските вооружени сили во Донецк, при што беа заробени најмалку десет украински војници, соопшти денес руското Министерство за одбрана.

Во соопштението за медиумите се наведува дека припадниците на руската армија го зазедоа упориштето на украинската армија во реонот на една од населбите на правецот Александро – Калиновско, како и дека за време на борбите биле уништени оклопен транспортер М113 од американско производство и тенк, како и дека екипажот на тенкот и најмалку десет војници на украинските вооружени сили биле заробени, објави РИА Новости.

Според најновите податоци од руското Министерство за одбрана, за еден ден, во зоната на одговорност на Јужната група, вооружените сили на Украина изгубиле повеќе од 110 војници, четири оклопни борбени возила, девет автомобили, три парчиња артилериско оружје и магацин со муниција.