Од главниот град на Русија доаѓа соопштение дека очекуваат американскиот претседател Доналд Трамп да ја прифати поканата на Владимир Путин да ја посети Русија.

Портпаролката на руското Министерство за надворешни работи, Марија Захарова, за државната новинска агенција ТАСС изјави дека Путин го упатил повикот до Трамп по средбата на лидерите во Алјаска на 15 август, која не донесе напредок во завршувањето на војната во Украина.

„Тој јавно го покани американскиот претседател во Русија“, рече таа, без да ја прецизира локацијата. Додаде дека Москва „очекува возвратна посета од Доналд Трамп“.

„Њузвик“ контактирал со Белата куќа за коментар преку е-пошта надвор од работното време, објави „МајамиХералд“.