Русија не учествува во планот на американскиот претседател Доналд Трамп за решавање на палестинскиот конфликт, изјави денес Дмитриј Песков, портпарол на рускиот претседател Владимир Путин.

„Ако ме прашавте дали Руската Федерација учествува во овој план, не, не учествува и немаше никакви сигнали од Американците“, изјави Песков пред новинарите, пренесува Известиа

Трамп вчера презентираше план од 20 точки за решавање на ситуацијата во Газа.

Документот, меѓу другото, повикува на итно прекинување на огнот и ослободување на заложниците во рок од 72 часа.

Планот предвидува дека Хамас и другите вооружени групи мора да се откажат од своето учество во управувањето со Газа, и директно и индиректно.