Припадниците на воените сили предводени од Русија утринава почнаа со повлекување од Казахстан, каде што беа распоредени како поддршка на владеачката гарнитура која се соочува со протести и немири, соопшти руското Министерство за одбрана.

„Единиците на мировните сили на Организацијата на Договорот за колективна безбедност (ОДКБ) ги исполнија поставените задачи и почнаа да подготвуваат воена и техничка опрема да ја сместат во авионите на руското воено воздухопловство со цел да се вратат во постојаната база“, се вели во соопштението.

Претседателот на Казахстан, Касим-Жомарт Токаев синоќа изјави дека војниците на ОКДК денеска ќе започнат со повлекување.

Контингентот на ОДКС пристигна во Казахстан на 6 јануари, откако раководството на таа земја побара воена помош од тој блок.

Протестите предизвикани од поскапувањето на горивото прераснаа во немири за време на кои безбедносните сили и демонстрантите се судрија на улиците низ Казахстан.